EMax 食肆推1 蚊美食
正所謂賤物打鬥窮人，經濟不景，市民消費大受打擊，商場為咗刺激消費意欲各出奇謀，好似合和（0054）旗下九龍灣EMax 商場，就聯同6 間商戶推出「一蚊美食」優惠，惠顧該6 間食肆嘅晚市，再加一蚊即享額外美食優惠，優惠適用於2 月6 日至19 日。例如在某間餐廳享用中式小菜滿70 蚊，便可以用1 蚊吃到一隻原價100 蚊嘅秘製貴妃雞；喺某酒店晚市消費滿500 蚊，便可以用1蚊吃到芝士焗波士頓龍蝦半隻（伊麵底，原價88 蚊）；又有食肆消費滿60 蚊，可加1 蚊有燒味拼盤送，原價98 蚊。
另外，信置（0083）旗下嘅商場亦推出情人節優惠，例如喺由2 月6 日起，用EPS 或信用卡喺奧海城消費滿1880 蚊，係滿足其他條例之下，便可以用2 蚊嘅價錢，喺情人節當晚入住尖沙嘴皇家太平洋酒店一晚連早餐，但有名額限制。
Share this: 
